АДМИН
Украины зэвсэгт хүчин Донецк мужийн Лиман хотыг хяналтдаа авлаа. ОХУ-ын Батлан хамгаалах яам хотыг хяналтаасаа алдагдсанаа хүлээн зөвшөөрсөн байна.
Сүүлийн хэдэн өдөр Украины зэвсэгт хүчин тус хотын эргэн тойрон дахь таван сууринг хяналтдаа авч, Украины эзлэгдсэн бүс нутгийг Орост нэгтгэснийг зарласнаас хойш нэг өдрийн дараа Лиман руу нэвтэрчээ.
Украины Зэвсэгт хүчний цэргийн албан хаагчид хотын захаас авсан анхны гэрэл зураг, бичлэгийг орон нутгийн цагаар 13:00 цагийн орчимд нийтэлж эхэлсэн байна. Тэдний нэгийг Владимир Зеленскийн ажлын албаны дарга Андрей Ермак твиттер хуудсандаа нийтэлжээ. Удалгүй Оросын телеграм сувгууд Оросын арми Лиманыг орхин гарч магадгүй гэж бичиж эхлэсэн байна.
Удалгүй Лиман дахь хяналт алдагдсаныг Оросын Батлан хамгаалах яам батлажээ.
"Хэдий хүний хүч, хэрэгслээр ихээхэн давуу талтай байсан ч хохирол амссан дайсан нөөцөө авчирч, энэ чиглэлд довтолгоог үргэлжлүүлсэн. Бүслэлтэд өртөх аюул үүссэнтэй холбогдуулан цэргүүд Красный Лиман суурингаас илүү ашигтай шугам руу шилжүүлэгдсэн" гэж Оросын төлөөлөгч Игорь Конашенков мэдэгджээ.
Эх сурвалж: BBC
|
Нийгэм
