АДМИН
Хурмаст тэнгэр хур бороогоо харамгүй хайрласан зуны эхэн сарын шинийн 10-ны билигт сайн энэ өдөр Өвөрхангай аймгийн Есөнзүйл, Өлзийт сумын нутагт байрших “Зүүн хайрхан уул”-ын тэнгэрийг тайх тахилгыг ёслол төгөлдөр үйлдлээ.
Нутгийн ард иргэд, сумдын төр захиргааны байгууллагын хүсэлтийн дагуу аймгийн иргэдийн Төлөөлөгчдийн Хурлаас 2014 онд “Зүүн хайрхан”-ыг аймгийн тахилгат болгон зарлаж, 2015 оноос эхлэн дөрвөн жил тутамд тахих шийдвэрийг гаргасан байдаг.
Хүн, байгалийн хүйн холбоог эрхэмлэн дээдэлж, төрт ёсны үнэт уламжлал, нүүдэлчин ардын өв соёлыг сэргээн бадраах утга санаа, зорилгыг агуулдаг тайлга тахилгын ёслолыг эдүгээ 3 дахь удаагаа үйлдэж байна.
|
Нийгэм
