“Белград-2023” ДАШТ-ий хоёрдахь өдрөө үргэлжилж байна. 
Өнөөдөр: 

86 кг. Бямбасүрэнгийн БАТ-ЭРДЭНЭ (МОНГОЛ) дагах барилдаанд Австралийн Жэйден Лоуренсийг 4 минут 30 секундэд цэвэр ялж, олимпийн хүрэл медальт Сербийн Майлс Аминед 2:8 оноогоор ялагдлаа.

Тэрээр эхний тойрогт БНСУ-ын Кан Деа Кюг 4:0 оноогоор, хоёрдугаар тойрогт Туркменистаны Д.Оразгылыжовыг 14:9 оноогоор ялсан юм. Гуравдугаар тойрогт Ираны олимп дэлхийн аварга Хассан Язданитай хүч үзэж 0:11 оноогоор цэвэр ялагдсан бөгөөд Х.Яздани нь аваргын төлөө шалгарсан тул Б.Бат-Эрдэнэ дагах барилдаанд хүч үзэв.

57 кг. ДАШТ-ий хүрэл медальт Занданбудын ЗАНАБАЗАР (МОНГОЛ)

Эхний даваанд АЙАН-Беларусийн залуу бөх Дмитрий Шамелог 6:0 оноогоор ялж, АЙАН-Оросын олимп дэлхийн аварга Заур Угуев-Испанийн Л.Метревелигийн хожсонтой барилдах боллоо.

74 кг. Олонбаярын СҮЛДХҮҮ (МОНГОЛ)

Эхний даваанд гоц мөргөж, хоёрдугаар тойрогт ДАШТ-ий алт, мөнгөн медальт Сербийн Хетик Цаболовтой барилдана.

79 кг. Бат-Эрдэнийн БЯМБАДОРЖ (МОНГОЛ)

Эхний тойрогт БНХАУ-ын Ли Пэйлоныг 5 минут 55 секундэд цэвэр ялж, дараагийн даваанд Украины Васил Михаиловтой хүч үзэхээр болов.

92 кг. Ганбаатарын ГАНХУЯГ (МОНГОЛ)

Эхний тойрогт хийлж, хоёрдугаар тойрогт АЙАН-Беларусийн Хажи Ражабовтой барилдах гэж байна.