АДМИН
Баянгол дүүргийн хоёрдугаар хороо, “Гранд плаза” автозамын уулзвар дээр автобус шатаж байна гэсэн дуудлага өнөөдөр /2025.06.19/ Нийслэлийн онцгой байдлын газарт 15:33 цагт иржээ. Дуудлагын дагуу НОБГ-ын Чингэлтэй дүүргийн Онцгой байдлын хэлтсийн Гал түймэр унтраах, аврах Аравдугаар ангийн алба хаагчдыг очиход нийтийн тээврийн автобус бүрэн шатаж байсныг 16:01 цагт унтраан ажилласан байна.
Галын шалтгаан нөхцөлийг тогтоохоор албаныхан ажиллаж байгаа бөгөөд зорчигчид гэмтэж бэртээгүй гэсэн мэдээллийг НОБГ-аас өглөө.
|
Нийгэм
