ТАТАР МАЙДАР
Нөмрөгийн дархан цаазат газарт (ДЦГ) гарсан гал түймрийн хохирлыг тогтоохоор ажиллаж буй Ажлын хэсэгт байгаль, цаг агаар болон газар зүйн байршлаас шалтгаалсан онцгой хүндрэлтэй нөхцөл байдал үүсээд байна.
Үүссэн нөхцөл байдлын талаар товчхон:
- Тээврийн хэрэгсэл нэвтрэх боломжгүй: Байгалийн бартаа саадаас шалтгаалан зураглалд тэмдэглэсэн хэсгээс цааш автомашин, мотоцикль болон мориор явах ямар ч боломжгүй болсон.
- Дэмжлэг хүслээ: Ажлын хэсгээс Улсын онцгой комисс (УОК) болон Хил хамгаалах ерөнхий газарт (ХХЕГ) хандан техникийн дэмжлэг үзүүлэх хүсэлт гаргаад байна.
- Агаарын ажиллагааг судалж байна: Хүндрэлийг шийдвэрлэхээр нисдэг тэрэг ашиглах, мөн хөрш улсуудтай хамтран ажиллах боломжийг судалж эхэлсэн.
- Хохирол тогтоохын ач холбогдол: Түймэрт өртсөн ойн сан, зэрлэг амьтдын амьдрах орчинд биечлэн хүрч, дээж аван хохирлыг бодитой тогтоох нь байгаль орчныг нөхөн төлүүлэх, цаашдын нөхөн сэргээлтийг төлөвлөхөд нэн чухал юм.
|
Нийгэм
