МАН-ын Удирдах зөвлөл хуралдаж дууслаа. Удирдах зөвлөлийн хуралд Ерөнхий сайд У.Хүрэлсүх танхимдаа ажиллах сайд нараа танилцуулж, 100 хувийн дэмжлэг авсан. Засгийн газар 17 сайдтай ажиллах бөгөөд тэдний дөрөв нь давхар дээлтэй буюу УИХ-ын гишүүн байх юм. Ингээд У.Хүрэлсүхийн танхимд Эрчим хүчний сайдаар ажиллах Н.Тавинбэх гэж хэн бэ гэдгийг танилцуулж байна.
Нансалын Тавинбэх нь 1971 оны 07 дугаар сарын 11-ний өдөр Улаанбаатар хотын Налайх дүүрэгт төрсөн. 2015 оны 11 дүгээр сарын 27-ны өдрөөс дүүрэг орон нутгийн иргэдийн саналаар нийслэлийн дагуул Багануур хотын захирагчаар сонгогдон ажиллаж, 2017 оноос өнөөдрийг хүртэл Багануур Зүүн Өмнөд Бүсийн Цахилгаан Түгээх сүлжээ ТӨХК-ийн Гүйцэтгэх захирлаар ажиллаж байна.
Төгссөн сургууль:
1989 онд Багануур дүүргийн 10 жилийн 64-р сургууль, 1995 онд ШУТИС-ийг цахилгааны инженер мэргэжлээр бакалавр, 2008 онд Удирдлагын Академийг Бизнесийн удирдлагын магистр зэрэгтэй төгсөж, 2003-2004 онд АНУ-д мэргэжил дээшлүүлсэн.
Гадаад хэлний мэдлэг: Орос, Англи
Ажлын туршлага:
1995-1997 онд БНЦШСГ-т дэд станцын монтёр, мастер, инженер
1997-1998 онд БНЦШСГ-т Засварын албаны дарга
1999-2000 онд БЗӨБЦТС ТӨХК-ийн Маркетингийн албаны менежер, дарга
2001-2007 онд БЗӨБЦТС ТӨХК-ийн Техник технологи эрхэлсэн дэд захирал, ерөнхий инженер
2007-2013 онд БЗӨБЦТС ТӨХК-ийн Гүйцэтгэх захирал
2013-2015 онд Багануур Энерги ХХК-ийн Захирал
2015-2016 онд Багануур хотын Захирагч
2017-2020 онд БЗӨБЦТС ТӨХК-ийн Гүйцэтгэх захирал
Улс төрийн сонгуульт ажил:
2008-2012 онд НИТХ-ын төлөөлөгч
Шагнагдсан байдал:
2014 онд төрийн дээд Алтангадас одон
2019 онд Хөдөлмөрийн гавьяаны улаан тугийн одон
