БНХАУ-д хандивлах 30 мянган хонины 20 мянгыг урд хөршид хүлээлгэн өгчээ. ХХААХҮ-ийн сайд З.Мэндсайхан “Үлдсэн 10 мянган хонийг аравдугаар сарын 14-нд багтаан өгөхөөр төлөвлөн ажиллаж байгаа” гэв.
ХААХҮЯ-ны дэргэд Ажлын хэсэг байгуулан Мал эмнэлгийн газар, аймаг орон нутгийн Хөдөө аж ахуйн газрынхан хонь хандивлах ажлыг зохион байгуулж байгаа юм. Малын гаралтай халдварт өвчингүй, эрүүл бүс нутгаас хонь авч, вакцинжуулалтад хамруулсан байна.
