Авто тээврийн үндэсний төвийн үйлчилгээг төрийн үйлчилгээний төвд шилжүүлэх тухай, Ломбардны үйл ажиллагаанд хийсэн хяналт шалгалт зэргийг танилцууллаа. Уг хуралд МХЕГ, ШӨХТГ, ХЭҮК зэрэг байгууллагын төлөөлөл оролцсон юм.
Засгийн газрын хэрэг эрхлэх газрын Цахим хөгжлийн үндэсний хороо, Зам, тээврийн хөгжлийн яам, Автотээврийн үндэсний төвтэй хамтран “Хөсөг Трейд” ХК-ийн байранд байрлах Автотээврийн үндэсний төвийн төрийн үйлчилгээг “Нийслэлийн Үйлчилгээний нэгдсэн төв”-д шилжүүлэхээр шийдвэрлэсэн байна.
ШӨХТГ-ын дарга Б.Бат-Эрдэнэ “ Түрээсэлж байгаа талбай дотроо төрийн болон хувийн хэвшлийн олон төрлийн цахим үйлчилгээ үзүүлэгч киоск оруулаад тавья гэхээр мөнгө нэхэж, гаргаж хая гэх шаадрлагыг тавьдаг. АТҮТ нь хувийн компанийн байранд үйл ажиллагаа явуулж, төрийн үйлчилгээ, нэн ялангуяа цахимжих бодлогоо бүрэн гүйцэт хэрэгжүүлж чадахгүй байгаа учраас ийнхүү нийслэлийн нэг цэг рүү нүүлгэхээр боллоо” гэлээ.
