Үйл ажиллагаа эрхлэх зөвшөөрлийн хугацааг сунгаагүй, хуульд заасны дагуу шинэчилсэн бүртгэлд бүртгүүлээгүй нэр бүхий 124 шашны байгууллагын үйл ажиллагааг зогсоосон гэж Улсын бүртгэлийн ерөнхий газраас мэдээллээ. Мөн үйл ажиллагаа эрхлэх тусгай зөвшөөрөл аваагүй үнэт металл, үнэт чулуугаар хийсэн бүтээгдэхүүн худалдаалдаг 230, үл хөдлөх хөрөнгийн чиглэлээр үйл ажиллагаа эрхэлдэг 6.728 хуулийн этгээдийн үйл ажиллагаа эрхлэх эрхийг хассан байна. Үүнээс гадна 285 хадгаламж зээлийн хоршооны үйл ажиллагааг зогсоожээ.
