Монгол Улсын Ерөнхий сайдын санаачилга, Биеийн тамир, спортын улсын хорооноос зохион байгуулж буй “Илүүдэл жингүй-Эртэч Монгол” аян 44 дэх өдрөө боллоо. Аян эхэлсэн өдрөөс өнөөдрийг хүртэл нийт 536.401 иргэн идэвхтэй дасгал хөдөлгөөнд хамрагджээ. Харин өнөөдөр 23.075 иргэн 283 спорт заал, 46 финтесс, 84 гадаа талбай, 46 клуб, 205 чийрэгжүүлэх танхим, 60 соёлын төв, найман усан бассейнаар үнэ төлбөргүй үйлчлүүлж, идэвхтэй дасгал хөдөлгөөн хийсэн байна. Улсын хэмжээнд 283 спорт заалыг 06:30-07:30 цагийн хооронд үнэ төлбөргүй болгосон бөгөөд Хөвсгөл аймгийн иргэд энэ өдөр хамгийн идэвхтэй байлаа. Тус аймгийн 3216 иргэн өнөөдөр “Илүүдэл жингүй-Эртэч Монгол” аянд хамрагдсан байна.
