“Улаанбаатар-2022” Азийн аварга шалгаруулах тэмцээнийн сонгомол бөхийн төрөлд төрсөн ах дүүс болох Тынар Шаршенбеков (63 кг), Жоламан Шаршенбеков (60 кг) нар 24 цагийн зайтай аваргалж хоёулаа алтан медальтай харихаар болсон билээ. Тэгвэл чөлөөт бөхийн эмэгтэйчүүдийн төрөлд ихэр эгч дүүс мөн л хос алттай нутаг буцаж байна. Өчигдөр дүү Мадина Бакбергенова нь 68 кг-д түрүүлсэн бол нэг өдрийн дараа буюу өнөөдөр эгч Жамила Бакбергенова нь 72 кг-д алтан медалийн эзэн болов.
