Монгол Улсын Ерөнхийлөгчийн ивээл дор “Нийтийн Хөлбөмбөг” төслийн хүрээнд Улаанбаатар хотын аварга шалгаруулах “UB Cup 2022” тэмцээн Монголын хөлбөмбөгийн холбооны Шинэ Яармагийн талбайд эхэллээ.
Тэмцээний техникийн зөвлөгөөн амжилттай зохион байгуулагдаж Улаанбаатар хотын 9 дүүргийн багууд хоёр хэсэгт хуваагдаж холимог системээр цааш аваргаа тодруулна. Тус тэмцээнд нийслэлийн 9 дүүргийн шигшээ багууд оролцож байгаа бөгөөд аваргын цомыг хүртсэн дүүрэг нь 8 сард баруун бүсийн Увс аймгийн Улаангом хотод зохион байгуулагдах “21 Аймгийн Аварга Шалгаруулах Тэмцээн”- ий дээд шатанд түрүүлсэн аймгийн шигшээ багтай “Үндэсний Цом”-ын төлөөх цорын ганц тоглолтыг хийх юм.
