Болгар улсын Софи хотноо Пара Таеквондогийн Дэлхийн Гранпри тэмцээн зохион байгуулагдаж амжилттай өндөрллөө.
Дэлхийн чансааны эхний 16 тамирчин өрсөлдөх эрхтэй, чансаа өндөр “Софи гран при” тэмцээнд манай улсаас Пара Таеквондогийн үндэсний шигшээ багийн дасгалжуулагч Н.Эрдэнэбаатар, Д.Батнасан, П.Тэмүүжин, Дэлхийн таван удаагийн аварга Г.Болор-Эрдэнэ, дэлхийн аваргын иж бүрэн медальт Х.Энхтуяа, дэлхийн аваргын хошой мөнгөн медальт Б.Шинэбаяр, дэлхийн аваргын хүрэл медальт О.Энхтүвшинзаяа нар хамтран ажиллаж өрсөлдлөө. Тэмцээний эмэгтэйчүүдийн -47кг жинд дэлхийн аварга Х.Энхтуяа мөнгөн медаль, Дэлхийн таван удаагийн аварга Г.Болор-Эрдэнэ хүрэл медаль, эрэгтэйчүүдийн -70кг жинд дэлхийн аваргын хошой мөнгөн медальт Б.Шинэбаяр хүрэл медаль тус тус хүртлээ.
