Олон улсын “Fair Play” зөвлөлийн чуулган зургадугаар сарын 17-нд Унгарын Будапешт хотод боллоо. Энэ үеэр саяхнаас Азербайжаны нэрийн өмнөөс барилдах болсон Саиед Моллайд 2019 оны “Шударга тоглолт” шагналыг нь гардуулан өгөв. Тус ёслол нь дэлхийн нийтэд тархсан цар тахлын улмаас хоёр жил хойшлогдоод байсан юм.
Түүнийг 2019 онд Токиогийн ДАШТ-д Израилийн Саги Мукитай барилдуулахгүй гэсэн Ираны Засгийн газрын дарамт шахалтыг даван гарч Токио олимпын наадамд Монгол Улсын нэрийн өмнөөс оролцож мөнгөн медаль хүртэж чадсан хэмээн онцолсон. Түүнийг замналынхаа турш эв нэгдэл, шударга өрсөлдөөнийг дээдлэн, жүдочид төдийгүй бүх тамирчдын үлгэр жишээ хэмээн магтжээ.
