Аялал жуулчлалын чиглэлээр үйл ажиллагаа явуулдаг “Евро Трэйвел” компани 2021 оноос хойш МҮОХ-ны албан ёсны түншээр ажиллаж буй. Хамтын ажиллагааны хүрээнд тус компани “Парис-2024” олимпын наадмыг үзэх хүмүүсийг зохион байгуулж аялуулах эрхийг эзэмшиж буй юм.
“Евро Трэйвел” компанийн спорт, олимпизмын үйл хэргийг хөгжүүлэх үйлсэд оруулсан хувь нэмрийг үнэлэн МҮОХ-ны дээд шагнал “Алтан очир” одонгоор шагналаа.
Шагналыг Олимпын өдрийн арга хэмжээний үеэр МҮОХ-ны Тэргүүн дэд ерөнхийлөгч Ч.Наранбаатар, Ерөнхий нарийн бичгийн дарга Э.Бадар-Ууган нар “Евро Трэйвел” компанийн ТУЗ-ийн дарга Ц.Ганзориг, ТУЗ-ийн гишүүн Д.Базарсад нарт гардуулан өгөв.
