"Загреб-2022" жүдо бөхийн Гранпригийн хоёр дахь өдөр буюу эмэгтэйчүүдийн 63 кг-ын жинд 2017 оны Азийн АШТ-ий хүрэл медальт "Алдар" спорт хорооны тамирчин Болдын Ганхайч манайхны гурав дахь хүрэл медалийг авчирлаа. Өчигдөр ОУХМ Б.Нармандах 66 кг-д, ОУХМ М.Ичинхорлоо 57 кг-д хүрэл медаль хүртсэн.
Б.Ганхайч Загребийн татамид хүрэл медалийн төлөөх барилдаанд Испанийн Кристина Чабана Перезийг иппон буулгаж шагналын тавцанд зогслоо. Түүний хувьд хамгийн сүүлд дөрвөн жилийн өмнө нь Хөххотод Гранпри ангиллаас хүрэл медаль хүртэж байв.
