ОХУ-ын Владивосток хотноо 07 дугаар сарын 28-наас 08 дугаар сарын 08 өдрүүдэд зохион байгуулагдаж байгаа "Азийн хүүхдүүд -2022" олон улсын спортын VII наадамд оролцож байгаа Монголын усан спортын тамирчид өнөөдөр тэмцээнээ өндөрлөж байна. Манай тамирчид 100 м өврөөр даллах сэлэлт, 100 м араар даллах сэлэлт болон 50 м өврөөр даллах сэлэлтийн төрлөөр амжилттай оролцлоо.
Н.Хишигбаяр 50 м өврөөр даллах сэлэлтээр 26.70 амжилтаар Монгол улсын спортын дэд мастерийн цол биелүүлсэн бол Г.Амармандах 29.26, О.Дагийцог нар 34.57 амжилт үзүүлсэн байна.
Усанд сэлэлтийн багийн дасгалжуулагчаар Т.Цог, Г.Өлзийбадрах болон багийн ахлагчаар Б.Энхтуул нар оролцсон юм. Н.Хишигбаяр нь энэ удаагийн наадмын Монгол улсын багийн тугчаар сонгогдcон юм.
