Монгол Улсын Засгийн газраас 2023, 2024 оныг “Монгол Улсад зочлох жил” болгон зарласантай холбоотойгоор дотоодын аялал жуулчлалыг дэлхий дахинд сурталчлах ажлын хүрээнд алдарт дугуйчин Кийду Кунзег эх орондоо урилаа. Тэрээр өдөрт 350-400 км замыг 20 цаг тасралтгүй дугуйгаар явж гиннесийн рекордыг эвдэх төлөвлөгөөтэй байна.
Герман, Швед, Норвеги, Хятад, Вьетнам зэрэг улсад КОВИД-19 цар тахлын дараа дугуй түрээсийн бизнес хүчээ авч, мөн дугуйн аялал жуулчлал эрчимтэй хөгжүүлж хэдэн тэрбум ам долларыг давсан орлого олж байна. Монгол улсад ч дугуйн аялал жуулчлалыг хөгжүүлэх бүрэн боломжтой бөгөөд алдарт дугуйчин Кийду Кунзегээр дамжуулан энэ чиглэлийн аялал жуулчлалыг дэлхий нийтэд таниулах зорилготой юм.
Уг аяллыг Байгаль орчин, аялал жуулчлалын яам, Зам тээвэр хөгжлийн яам, Соёлын яам, УИХ-ын гишүүн Герман-Монголын Парламентын бүлгийн гишүүн Ц.Мөнхцэцэг, УИХ-ийн гишүүн асан Д.Тэрбишдагва нарын хамтын ажиллагааны хүрээнд "Цолмон травел" ХХК гүйцэтгэж байна.
