Энэтхэгийн Ченнай хотноо Дэлхийн шатрын олимпиад амжилттай үргэлжилж байна.
Өчигдөр тавдугаар өргийн тоглолтууд явагдсан.
Манай эрэгтэй, эмэгтэй шигшээ баг анхныхаа ялагдлаа амслаа. Дасгалжуулагчдын баг гаргасан алдаан дээр дүн шинжилгээ хийж, дараа дараагийн тоглолтууд дээр бид алдаагаа засахаар ажиллаж байна.
ЭРЭГТЭЙ БАГ:
Эрэгтэй баг Давид Навара тэргүүтэй Чехийн шигшээ багтай оноолт тааран тулалдлаа. Нэг, хоёр, дөрөвдүгээр ширээнд суусан GM Д.Батсүрэн, FM Г.Амартүвшин IM С.Ган-эрдэнэ нар хожигдол хүлээж, гуравдугаар ширээнд суусан GM С.Билгүүн давуу байрлалаас тэнцлээ.
Тавдугаар тойргийн тоглолтыг GM Б.Гүндаваа өнжсөн.
ЭМЭГТЭЙ БАГ:
Охид чансааны 8-д эрэмбэлэгдэж буй эрэгтэй их мастер А.Паецээр удирдуулсан Германы шигшээ багтай тоглосон.
Эхний хоёр ширээнд суусан WGM А.Энхтуул,WIM Т.Мөнхзул нар тэнцсэн бол гурав болон дөрөвдүгээр ширээнд тоглосон WCM Б.Мөнгөнзул, WFM Д.Мөнхзул нар ялагдал хүлээсэн.
Тавдугаар өргийн тоглолтыг WIM Б.Баярмаа өнжсөн.
ЗУРГАДУГААР ТОЙРОГ:
ЭРЭГТЭЙ БАГ Мароккогийн шигшээ багтай оноолт таарсан бол
ЭМЭГТЭЙ БАГ Норвегийн шигшээ багтай тулалдана.
Зургадугаар өргийн тоглолтууд өнөөдөр Монголын цагаар 17:30 минутаас эхэлнэ.
