"Даншиг наадам-Хүрээ цам 2022" шашин, соёлын наадам Хүй долоон худагт хоёр өдөр боллоо. НЗДТГ, Нийслэлийн Аялал жуулчлалын газар, Гандантэгчэнлин хийд хамтран зохион байгуулж буй тав дахь удаагийн Даншиг наадам нь Монголын соёл, шашин, өв уламжлал, онцлог хэв шинжийг цогцоор нь харуулсан өвөрмөц наадам юм.
Тус наадамд зориулсан улс, аймгийн алдар цолтой 256 бөхийн барилдаанд Завхан аймгийн Алдархаан сумын харьяат "Завхан" дэвжээ, "Алдар" спорт хороо, Зэвсэгт хүчний 325 дугаар анги, "Тэргүүн Саруул Зам" ХХК-ийн бөх Улсын харцага Лхагваагийн Лха-Очир түрүүлж Даншиг наадмын арслан цол хүртсэн бол Ховд аймгийн Манхан сумын харьяат "Ховд" дэвжээ, "Алдар" спорт хороо, Ашид Тун ХХК-ийн бөх Аймгийн арслан Шараагийн Мөнх-Од үзүүрлэж Даншиг наадмын заан цол хүртлээ.
