Зарим аймаг байгуулагдсаны ойг тэмдэглэх болон баяр наадмын хугацааг тогтоох тухай Монгол улсын засгийн газрын 221 дүгээр тогтоол гарчээ.
Нийтээр тэмдэглэх баярын болон тэмдэглэлт өдрүүдийн тухай хуулийн 5.2, Үндэсний их баяр наадмын тухай хуулийн 5.3, 5.4, 10.18-д заасныг тус тус үндэслэн Монгол улсын Засгийн газраас тогтоох нь:
1. Цэцэрлэг Мандал уулын аймаг, Богд хан уулын аймаг, Хантайшир уулын аймаг, Хан Хэнтий уулын аймаг байгуулагдсаны 100 жилийн ойн баяр наадмыг Архангай, Төв, Завхан, Хэнтий аймагт 2023 оны 7 дугаар сарын 27, 28-ны өдрүүдэд, Хантайшир уулын аймаг байгуулагдсаны 100 жилийн ойн баяр наадмыг Говь-Алтай аймагт 2023 оны 8 дугаар сарын 01, 02-ны өдрүүдэд тус тус тэмдэглэхээр тогтоосугай.
2. Хурдан морины 2023 оны бүсийн уралдааныг аймаг байгуулагдсаны ойн баяр наадамтай хамтатган зохион байгуулахыг Архангай, Төв, Завхан, Хэнтий аймгийн Засаг дарга нарт, хамтран зохион байгуулахыг Монголын морин спорт, уяачдын холбоонд тус тус даалгасугай.
3. Говьсүмбэр аймгийн баяр наадмыг 2023 оны 7 дугаар сарын 06, 07, Булган аймгийн баяр наадмыг 2023 оны 7 дугаар сарын 08, 09, Дорноговь аймгийн баяр наадмыг 2023 оны 7 дугаар сарын 27, 28-ны өдрүүдэд тус тус тэмдэглэхийг зөвшөөрсүгэй.
