Монгол Улсын Зэвсэгт хүчний Хуурай замын цэргийн командлагч бригадын генерал Ч.Цогтжаргал Австралийн Перт хотод өнгөрсөн долоо хоногт болсон Хуурай замын цэргийн командлагч нарын уулзалтад оролцлоо.
Уулзалтын үеэр Австрали Улсын Хуурай замын цэргийн командлагч дэслэгч генерал Саймон Стюарттай хоёр талын уулзалт хийж, хоёр улсын Зэвсэгт хүчин тэр дундаа Хуурай замын цэргийн цаашдын хамтын ажиллагааны талаар санал солилцлоо. Уулзалтаар талууд хоёр улсын батлан хамгаалах салбарын хамтын ажиллагаа эрчимтэй бэхжиж байгааг онцолж байсан юм.
