Монголын хүүхдийн спортын VII наадмын хөгжлийн бэрхшээлтэй хүүхдийн спортын тэмцээн Улаанбаатар хотод зохион байгуулагдаж байна. Өнөөдөр /2023.09.16/ хонхот бөмбөгийн аварга шалгаруулах тэмцээн спортын төв ордонд эхэллээ. Тэмцээнд хөдөө орон нутгаас Сүхбаатар, Орхон аймгийн багууд өрсөлдөж байгаа бол нийслэлийн Хан-Уул, Сонгинохайрхан, Сүхбаатар дүүргийн багууд ур чадвараа сорин өрсөлдөж байна. Өнөөдөр эмэгтэй багуудын тоглолт явагдаж аваргууд тодрох бол маргааш эрэгтэй багуудын медалийн төлөөх тоглолт явагдаж хонхот бөмбөгийн тэмцээний аваргууд тодорно.
