“Белград-2023” ДАШТ-нд өнөөдөр /2023.09.20/ барилдах бөхчүүд
53 кг жинд 31 бөх барилдаж байна. Ганбаатарын ОТГОНЖАРГАЛ эхний тойрогт Европийн хошой аварга Шведийн Эмма Малмгрентэй оноолт таарав.
62 кг жинд 34 бөх барилдана. 2017 оны дэлхийн аварга, Монгол Улсын гавьяат тамирчин Пүрэвдоржийн ОРХОН эхний даваанд гоц мөргөж, хоёрдугаар тойрогт БНХАУ-ын Жиа Лүнтэй оноолт таарлаа.
68 кг жинд 33 бөх барилдаж байгаа бөгөөд Энхсайханы ДЭЛГЭРМАА эхний тойрогт гоц мөргөж, хоёрын даваанд Сербийн 18 настай бөх Эмилия Яковлевичтэй барилдана.
72 кг жинд 18 бөх хүч сорьж байна. Энх-Амарын ДАВААНАСАН эхлээд гоц мөргөж, хоёрдугаар тойрогт Польшийн Ивона Стрзалкатай барилдах юм.
50 кг жинд “Парис-2024” олимпын эрхээ биелүүлж, ДАШТ-ий алтан медалийн төлөө барилдахаар шалгарсан Долгоржавын ОТГОНЖАРГАЛ-ын өрсөлдөгч нь Японы бөх, олимп дэлхийн аварга Юи Сүсаки байх болно.
