"Ханжоу 2022" Азийн наадмын Чөлөөт бөхийн тэмцээний эхний өдөр манай хоёр тамирчин медалийн төлөө өрсөлдөхөөр боллоо. Эмэгтэйчүүдийн 53 кг-д Б.Болортуяа эхлээд Индонезийн Маримар Кандраг 14:1 оноогоор цэвэр ялаад Хятадын Тайпэйгийн Шэй Мен Хуаныг мөн л 10:0-ээр илүүрхсэн. Хагас шигшээд Японы Акира Фүжинамид ялагдлаа. Ингээд хүрлийн төлөө Энэтхэгийн бөх Антимтай хүч үзэхээр болов.
Эмэгтэйчүүдийн 57 кг-д Э.Даваачимэг эхний даваанд хийлээд БНАСАУ-ын Ин Сун Ёнд ялагдлаа. Түүнийг ялсан өрсөлдөгч нь финалд барилдахаар болсон тул манай тамирчин дагах эрхтэй болов. Улмаар Вьетнамын Тран Ти Аныг 6:1-ээр ялснаар хүрлийн төлөө БНХАУ-ын Ке Шин Хонтой барилдахаар боллоо.
