“Парис 2024”олимпын эрхээ авсан, хагас мэргэжлийн багт уралдаж байсан С.Жамбалжамц Испани улсын мэргэжлийн баг “Burgos BH” багтай гэрээ хийж “World Pro tour” буюу Дэлхийн мэргэжлийн шилдэг баг тамирчид уралддаг “Vuelta a Espana”, “Giro d’Italia”, “Tour de France” зэрэг Дэлхийн №1 тэмцээнүүдэд оролцох боломж бүрдэж Монголын дугуйн спортын түүхэнд цоо шинэ хуудсыг нээлээ. Монгол улс Уорлд турын түүхэнд анхны тамирчнаа бүртгүүлсэн 88 дахь гишүүн болсныг UCI онцлон зарлаж байна.
Монголын дугуйн холбооны 2022 оны зорилт: Монголын анхны Хагас Мэргэжлийн багийг байгуулах
2023 оны гол зорилт: Олимпын эрх авах
2024 оны гол зорилт: Олимпод дээд амжилтыг үзүүлэх
2025 оны гол зорилт: “Уорлд тур”-ын багт Монгол тамирчдыг оруулах
2026 оны гол зорилт: “Тур де Франц”-д оролцох байсан төлөвлөгөөг С.Жамбалжамц урагшлуулж байна.
Мөн Дэлхийн дугуйн спортын бүхий л топ уралдааны амжилт чансааг мэдээлдэг https://www.procyclingstats.com/ сайт Сайнбаярын Жамбалжамцыг өнөөдрийн хамгийн “Алдартай дугуйчин”-аар онцолжээ.
