Увс аймгийн Улаангом сум ... дугаар баг /аймгийн төвөөс зүүн зүгт 28 км/-т Иргэн О-нь /52 настай, эмэгтэй/ 2024.10.03-ны өдрийн 8 цагийн үед /Toyota Probox/ загварын автомашинтай Улаангом сум руу бензин авахаар явсан, 10 цагийн үед бензин аваад гарч байна гэж хэлээд сураггүй /утас нь сүлжээгүй/ байна гэсэн дуудлагыг 18:08 цагт хүлээн авсан. Тус аймгийн Онцгой байдлын газрын Эрэн хайх, аврах салбарын алба хаагчид очиж, эрэн хайх ажиллагааг зохион байгуулан 19:04 цагт иргэн О /52 настай, эмэгтэй/-г гэрээсээ урд зүгт 3 км-т машин дотроо байсныг эсэн мэнд олж, аймгийн Нэгдсэн эмнэлгийн түргэн тусламжийн эмч болон ар гэрийнхэнд нь 19:45 цагт хүлээлгэн өгсөн байна.
