Тавантолгойн түлш ХХК-иас мэдэгдэл гаргалаа. Уг мэдэгдэлд “Шахмал түлшний үнэ нэмэгдэхгүй. Тавантолгойн түлш ХХК нь 2024-2025 оны галлагааны улирлын өвлийн бэлтгэл ажлаа хангаж, Төвийн болон Зүүн үйлдвэрт үйлдвэрлэлийн таван шугамаар хоногт 2500 тн шахмал түлш үйлдвэрлэж байна. Мөн нийслэлийн 43 агуулахад 89.5 мянган тн түлш нөөцлөөд байна. Галлагааны улиралд нийслэлийн долоон дүүргийн хэмжээнд борлуулалтын 670 цэг ажиллахаас өнөөдрийн байдлаар 630 цэгээр борлуулалт хийж байна” гэжээ.
