Аймаг, нийслэл, сум, дүүргийн ИТХ-ын ээлжит сонгуулийн санал хураалт ирэх Баасан гарагт болно. Сонгуулийн сурталчилгаа есдүгээр сарын 26-нд эхэлж, нэр дэвшигчид үнэмлэхээ гардаж авсан байдаг. Ийн 14 хоногийн турш үргэлжилж өнөөдөр өндөрлөж байна.
Санал авах өдөр аймаг, нийслэлийн Засаг дарга холбогдох шийдвэр гарган хяналт тавьж ажиллаж, согтууруулах ундаагаар үйлчлэх, худалдах, соёл урлаг, үзвэр, спортын зэрэг олныг хамарсан аливаа арга хэмжээ зохион байгуулах, гадаа болон битүү талбайд үйл ажиллагаа явуулдаг худалдаа, үйлчилгээний төв ажиллах үйл ажиллагааг хориглоно.
