Номын сан-ном зүй, ном уншлагын зан үйлийг уншигч олноо дадуулахад номын клубийн үйл ажиллагаа нэн чухал бөгөөд тус ажлын хүрээнд номын клубүүдийн уулзалтыг OMI(One more idea) номын клубтэй хамтран Монгол Улсын Үндэсний номын сан зохион байгууллаа. Уулзалтын үеэр тус клубийн 100 дахь уулзалт тохиож, UKA's book club, Судрын клуб, 1000 book club, Миний уншсан номын тэмдэглэл зэрэг клубийн тэргүүд уригдан "Номын тэмдэглэл, номын клубийн ач тус" сэдэвт хэлэлцүүлэгт зочин, паналестаар оролцлоо. Уулзалтын төгсгөлд клубийн гишүүд, хүрэлцэн ирсэн уншигчдад болон номын сангийн сан хөмрөгт өөрсдийн номоо хандив болгон өргөлөө.
