Сүхбаатар дүүрэг, 1, 3 дугаар хороо, Нарны зам, Улаанбаатар төмөр замын өртөөнөөс Барс захын уулзвар хүртэлх чиглэлийн авто замын урд хэсгийн эгнээг хааж засвар, шинэчлэлийн ажлыг 2024 оны аравдугаар сарын 11-ний өдрийн 22:00 цагаас 2024 оны аравдугаар сарын 13-ны өдрийн 06:00 цагийн хооронд хийж гүйцэтгэнэ.
Хан-Уул дүүрэг, 8, 21 дүгээр хорооны нутаг дэвсгэр Архивчдын гудамж, Тууш замаас Архивын ерөнхий газар хүртэлх Урдаас хойшоо чиглэлийн зүүн талын авто замын дөрөвдүгээр хэсгийн засвар, шинэчлэлийн ажлыг 2024 оны аравдугаар сарын 11-ний өдрийн 23:00 цагаас 2024 оны аравдугаар сарын 14-ний өдрийн 06:00 цагийн хооронд хэсэгчлэн хааж засварлана.
Хойноос урагш чиглэлийн баруун хэсгийн эгнээгээр тээврийн хэрэгслийн хөдөлгөөнийг сөрүүлэн зохицуулна.
Иймд иргэд, жолооч та бүхэн бусад замыг сонгон хөдөлгөөнд оролцоно уу.
