Өнөөдөр өглөө 07:00 цагт орон нутгийн сонгуулийн санал хураах үйл ажиллагаа албан ёсоор эхэлсэн. Сонгуулийн ирц ямар байгаа талаар цаг үеийн мэдээллийг Нийслэлийн сонгуулийн хорооноос тодрууллаа.
НСХ: Нийслэлийн иргэдийн төлөөлөгчдийн хурал 45 мандаттай. 45 мандатын төлөө 276 нэр дэвшигч өрсөлдөж байгаа. Есөн дүүргийн 313 мандат байгаа. Үүн дээр 1081 нэр дэвшигч өрсөлдөж байна. Нийслэлийн хэмжээнд 515 хэсэг байгаа. Эдгээр хэсэгт 2024 оны 10 дугаар сарын 9-нд туршилтын тооллого хийсэн. Ямар нэг зөрчил гараагүй. Сонгуулийн бэлтгэл ажлыг хангаад, 2024 оны 10 дугаар сарын 10-нд зөөврийн хайрцгаар санал авсан. Нийт 5367 иргэн хүсэлт өгснөөс 5055 сонгогчийн саналыг авч, уншуулсан. Нийслэлийн хэмжээнд нийт 5417 ажиглагч 515 хэсэг дээр ажиллаж байна гэв.
Мөн Нийслэлд нийт 1 сая гаруй сонгогч байгаа. 12.00 цагийн байдлаар нийт 157 мянга 213 сонгогч саналаа өгсөн байна. Нийслэлийн хэмжээнд сонгогчдын ирц 15.7 хувьтай байна.
