Мэдээ

Бүх цэргийн Их хар сүлдийг цагаалах тайлга өнөөдөр ёслол төгөлдөр боллоо. 

МҮБХ-ноос гуравдугаар сард зохион байгуулах албан ёсны үйл ажиллагаа болон бөхийн барилдааны хуваарийг гаргажээ.

Японд сүүлийн 30 жил орчим тохиогоогүй том түймэр гарсны улмаас хоёр мянган гал сөнөөгч, цэрэг дайчилжээ. Тус улсын Гал түймэр, гамшгийн удирдлагын агентлаг (FDMA) мэдэгдсэнээр Офүнато хотын ойролцоо 5,200 гаруй акр газар түймэрт шатаж, нэг хүн амь үрэгдсэн байна.

Нийслэл хотын нийтийн тээврийн автобусны хоёр шинэ чиглэлийг энэ сарын 1-нээс нээжээ.

Киевийн эрх баригчид энх тайвны төлөө байгаа гэдгээ нотлон харуулах хүртэл Украинд үзүүлдэг цэргийн тусламжаа зогсоох шийдвэрийг АНУ-ын Ерөнхийлөгч Дональд Трамп гаргалаа хэмээн Цагаан ордноос уламжлав.

Жил бүр уламжлал болгон зохион байгуулдаг “Бүргэдийн баяр” наадам 19 дэх жилдээ “Чингис хааны хүрээ” аялал жуулчлалын цогцолборт гуравдугаар сарын 8, 9-ний өдрүүдэд болно.

Тээврийн цагдаагийн албанаас мэдээлснээр 2025 оны гуравдугаар сарын 1-ний өдрийн 00.00 цагаас 14.30 цаг хүртэл Эмээлт, Налайх, Хоолт, Хөшигтийн хөндий, Баруун туруун, Түргэн, 4-р зөрлөгийн цахим төлбөр хураах цэгүүдээр нийтдээ 28.6 мянган тээврийн хэрэгсэл нэвтэрчээ.

Баян-Өлгий, Говь-Алтай, Говьсүмбэр, Дархан-Уул, Сэлэнгэ, Төв аймаг болон Багануур, Багахангай, Налайх дүүргийн нутгаар тэнгэр бүрхэг, Баянхонгор, Хөвсгөл аймгуудын нутгаар бага зэргийн цас орж зогссон байна.

Сар шинийн баярын өдрүүд үргэлжилж байна. Томоохон захууд тухайлбал, “Да хүрээ” техникийн зах гуравдугаар сарын 6-наас, “Нарантуул” худалдааны төв  9-нөөс эхлэн ажиллах бол Максмолл, Улаанбаатар их дэлгүүрүүд өнөөдрөөс /2025.03.03/ ажиллаж эхэлжээ. Ажиллах цагийн хуваарийг дараах зургаас тодруулан харна уу.

2025 оны хоёрдугаар сарын 14-23 болон хоёрдугаар сарын 28-наас гуравдугаар сарын 2-ны өдрүүдэд Чингэлтэй дүүргийн нэгдсэн эмнэлэгт хэвтэн эмчлүүлж байсан бол ХӨСҮТ-ийн Яаралтай тусламжийн тасгийн 1 болон 2 дугаар өрөөнд 08:30-17:30 цагт хандан үзлэгт орж, улаанбурханы эсрэг вакцинд яаралтай хамрагдахыг анхааруулж байна.