Б.УУГАНБАЯР
Монголын Буудлага спортын холбооны ерөнхийлөгч Э.Мөнх-Очир Техник спортын төв /ТСТ/-д тамирчдын алжаал ядаргаа тайлах, чийрэгжүүлэх төхөөрөмж хандивлав.
Цар тахлын үед "Токио-2020" олимпын наадамд оролцох үндэсний шигшээ багийн тамирчид болон бэлтгэл хангагч нар Улсын онцгой комиссын зөвшөөрлөөр ТСТ-д олимпын наадмын бэлтгэлээ базааж байгаа юм.
Их засварт орж шинэ өнгө төрхтэй үйл ажиллагаагаа эхлүүлсэн ТСТ-д холбооны ерөнхийлөгч массажны сандал, гүйлтийн зам хандив болгож өгсөнд баг тамирчид талархалаа илэрхийлж байна.
Буудлагын спортын тамирчдын хувьд олимпын эрхийн оноо авах тэмцээн дууссан бөгөөд 4 тамирчнаа Токиод илгээнэ. Буудлага спортын төрөлд Эрэгтэй гар буугаар Э.Даваахүү өрсөлдөх бол эмэгтэй тамирчдаас Хөдөлмөрийн баатар, олимпын мөнгөн медальт О.Гүндэгмаа /гар буу/, ОУХМ Ц.Анударь /гар буу/, О.Есүгэн /урт буу/ нар цэц мэргэнээ сорих юм.
|
Спорт
