Б.УУГАНБАЯР
Пүрэв гарагт /2021.10.28/ таван тивийн сая сая хүмүүст агуу их спортын гайхамшгийг мэдрүүлж,эр зориг,авхаалж самбаа,хурд хүчээрээ тэргүүлэн манлайлагчид жүдочдын баярын өдөр тохиосон юм.
Энэ баярт өдөр Монголын тулааны урлаг,тулалдааны спортын хороог үүсгэн байгуулагч Монголын жүдо бөхийн холбооны ерөнхийлөгч Монгол Улсын гавьяат тамирчин Халтмаагийн Баттулга, Улаанбаатар хотноо Дэлхийн тулааны спортын наадмыг зохион байгуулах албан ёсны эрхийг авлаа.
БНСУ-д 10 дугаар сарын 28-нд болсон Дэлхийн тулааны спортын мастеруудын хорооны их хурлын үеэр 2023 оны Дэлхийн тулааны спортын хорооны мастеруудын залуучуудын 2 дахь удаагийн наадмыг Монгол Улсын нийслэл ийнхүү зохион явуулахаар шийдвэрлэв.
|
Спорт
