Сүхбаатар дүүргийн Засаг даргын нэрэмжит иргэдийн спортын X наадам 2022 оны 8 дугаар сарын 20-ноос эхлэн спорт явган аялал, ширээний шагай, аэробик, хийн дасгал, гар бөмбөг, олс таталт зэрэг спортын 6 төрлөөр зохион байгуулагдаад байна. Өнгөрөгч амралтын өдрөөр тус наадмын нээлтийн арга хэмжээ болж, тэмцээн софт волейболын төрлөөр үргэлжлэв. Иргэдийн спортын X наадмыг нийслэлийн ИТХ-ын төлөөлөгч, дүүргийн Засаг дарга Х.Болормаа нээж хэлсэн үгэндээ “Иргэн, хороодын спорт хамтлаг бүрийн үйл ажиллагааг идэвхжүүлж, тэднийг спортын уралдаан тэмцээнд өргөнөөр оролцуулах зорилгоор энэ жил иргэдийн спортын наадмыг 8 төрлөөр зохион байгуулж байгаа. Дүүргийнхээ олон иргэдийг спортын X наадамд оролцуулах үүднээс нэг төрөлд 1 л хүн орно. Нийт 6 төрлийн дараах байдлаар 2100 гаруй иргэн иргэдийн спортын наадамд оролцжээ. Эрүүл чийрэг, идэвхтэй хөдөлгөөнтэй, чөлөөт цагаа спортоор өрсөлдөн өнгөрөөж буй нийт иргэддээ амжилт хүсье” гэлээ. Иргэдийн спортын X наадмын софт волейболын төрөл нь 55-аас дээш насны эрэгтэй, эмэгтэй холимог багаар өрсөлддөг бөгөөд уг тэмцээнд нийт 14 хорооны баг авхаалж самбаа, ур чадвараа сорин оролцов. Тэмцээнд оролцсон багуудаас : 

1-р байрт А.Базаргүр ахлагчтай  13 дугаар хороо

2-р байрт Н.Алтанцэцэг ахлагчтай  7 дугаар хороо

3-р байрт О.Энэбиштөмөр ахлагчтай 19 дүгээр хороо шалгаран өргөмжлөл, алт, мөнгө, хүрэл медаль,  мөнгөн шагналын эзэн боллоо.