Үндэсний их баяр наадмын хүчит бөхийн барилдааны тавын даваа өндөрлөж, 17 бөх улсын начин цолны болзол ханган, улсын цолтны эгнээнд нэгдлээ.

Улсын цолтой бөхчүүдийг давж улсын начин болсон бөхчүүд:

• Сүхбаатар аймгийн арслан Б.Номиндалай – улсын аварга П.Бүрэнтөгсийг
• Архангай аймгийн арслан Б.Шаравдорж – улсын арслан Р.Пүрэвдагвыг
• Сэлэнгэ аймгийн арслан Х.Наранбаяр – улсын заан Н.Жаргалбаярыг
• Дорнод аймгийн арслан Г.Төрмөнх – улсын заан Д.Анарыг
• Завхан аймгийн начин Б.Сундуйжав – улсын заан Б.Серикийг
• Баянхонгор аймгийн арслан Г.Жамбалдорж – улсын харцага Н.Золбоог
• Увс аймгийн арслан Б.Өсөхбаяр – улсын харцага Т.Баасанхүүг
• Ховд аймгийн арслан Ж.Жавхлан – улсын харцага О.Мөнх-Эрдэнийг
• Хэнтий аймгийн арслан Д.Алтанцоож – улсын харцага Г.Бадрахыг
• Говьсүмбэр аймгийн арслан Э.Мөнхбаатар – улсын харцага Ц.Мөнхбаярыг
• Хөвсгөл аймгийн арслан Э.Баасанжав – улсын начин Ч.Батчулууныг
• Завхан аймгийн арслан А.Нармандах – улсын начин Д.Амарсайханыг
• Булган аймгийн арслан Н.Намнансүрэн – улсын начин Б.Лхагвадоржийг
• Булган аймгийн арслан Б.Бат-Эрдэнэ – улсын начин Э.Сумъяабатыг давлаа.

Мөн аймаг, цэргийн цолтнуудын хоорондын барилдаанд:

• Дундговь аймгийн арслан Н.Амгаланбаатар
• Архангай аймгийн арслан Ө.Батсуурь
• Архангай аймгийн цэргийн заан Б.Гончигсүрэн

нар ялалт байгуулж, улсын начин цолны болзол хангав.

Ингэснээр энэ жилийн Үндэсний их баяр наадмын тавын даваанаас нийт 17 шинэ улсын начин төрлөө.