ӨСВӨРИЙН ХОЛИМОГ ТУЛААНЧИД ДЭЛХИЙН АВАРГЫГ ЗОРИЛОО

Холимог тулааны 2026 оны Өсвөр үеийн дэлхийн аваргын тэмцээн Арабын Нэгдсэн Эмират улсын нийслэл Абу-Даби хотод удахгүй эхлэх гэж байна. Дэлхийн 60 гаруй орны 1200 орчим өсвөрийн тамирчид хуран чуулж байгаа тус тэмцээнд оролцох Монгол улсын баг тамирчдын эхний хэсэг эх орноосоо мордлоо.

Дөрвөн насны ангиллаар зохион байгуулагддаг холимог тулааны өсвөр үеийн дэлхийн хамгийн том тэмцээн 08 дугаар сарын 16-наас 23-ны өдрүүдэд Абу-Дабигийн “Мубадала арена” ордонд явагдана.

Монгол эх орноо төлөөлөн тус тэмцээнд нийт 19 тамирчин өрсөлдөх бөгөөд мөн Монголын Холимог Тулааны Холбооны Шүүгчдийн зөвлөлийн нарийн бичиг, Олон улсын шүүгч Ж.Лхагвабат тэмцээний шүүгчдийн багийн бүрэлдэхүүнд багтан ажиллахаар уригдаад байгаа юм.

Олон улсын тэмцээнд оролцох эрх нь сэргэсэн Оросын Холбооны Улсын баг тамирчид өргөн бүрэлдэхүүнтэй өрсөлдөж буйгаараа энэ жилийн дэлхийн аварга онцлог болж байна.

D АНГИЛАЛ (2014-2015 ОН)

-44 кг / Т.Төгс-Оргил / Desant Bambar Club

-48 кг / Б.Ганбат / HERO figthing club

-52 кг / А.Чингүн / Erkhes jiujitsu academy

C АНГИЛАЛ (2012-2013 ОН)

-44 кг / Т.Ивээл / Desant Bambar Club

-48 кг / А.Нямдэлгэр / Erdenet MMA

B АНГИЛАЛ (2010-2011 ОН)

-52 кг / Б.Тэлмүүн / Newgen team fighting center

-62 кг Г.Үйлс / Олонлог төв сургууль

-72 кг / Э.Тулга / Garuda BJJ & MMA

-40 кг / У.Есүгэн / Team Omega