АДМИН
Өмнөд бүсийн төв-Өмнөговь аймгийн Онцгой байдлын газрын нэгдүгээр бүлэг Сэлэнгэ аймгийн нутаг дэвсгэрт гарсан ой, хээрийн түймрийн голомтод үүрэг гүйцэтгэхээр хөдөлгөөн үйлдлээ. Ой, хээрийн түймрийн голомтод ОБЕГ-ын тэргүүн дэд дарга бөгөөд штабын дарга, хурандаа Ц.Ганзоригоор ахлуулсан Сэлэнгэ, Орхон, Дархан-Уул аймгийн Онцгой байдлын газрын 271 албан хаагч, 30 автомашинтайгаар ажиллаж байна. Мөн Сэлэнгэ аймгийн Зүүнбүрэн сумын иргэд, Дархан-Уул аймгийн иргэд ой, хээрийн түймэр унтраах ажиллагаанд хүч нэмэгдүүлэн оролцож байгаа юм.
Түймэр гарсан нутагт салхи 12 м/с хүрч хүчтэй салхилж байгаа учраас цурманд оруулсан түймэр эргээд асах, түймрийн тархац нэмэгдэх тохиолдол гарч байгааг онцоллоо.
|
Нийгэм
