АДМИН
Лхагва гаргийн орой дэлхийн алдартай томоохон баячууд, улс төрчдийн твиттер хаяг хакеруудын халдлагад өртсөн байна.
Хакерууд Tesla, SpaceX-ийн эзэн тэрбумтан Элон Маск, Microsoft-ийг үндэслэгч Билл Гейтс, Амазоныг үндэслэгч Жефф Безос, нэрт реппер Канье Уэст, АНУ-ын Ерөнхийлөгч асан Барак Обама, АНУ-ын Ерөнхийлөгчийн сонгуульд ардчилсан намаас нэр дэвшигч Жо Байден, Израйлийн Ерөнхий Сайд Бенжамин Нетаньяху болон бусад томоохон компаниудын захирлуудын аккаунтыг эвдэж твиттерт нь биткойноос мөнгө олох тухай ижилхэн мэдээллийг байршуулсан байна.
Хакерууд “Доорх хаяг руу илгээсэн бүх биткойн таньд 2 дахин үржигдэн буцан очих болно. Хэрэв та 1000 доллар шилжүүлвэл, таньд 2000 доллар болгож буцаан олгоно. Гэхдээ зөвхөн эхний 30 минутад багтсан хүмүүс л үүнд хамрагдах боломжтой” гэсэн постийг алдартнуудын твиттер аккаунт дээр нь байршуулсан байна.
Үүгээрээ хакерууд доод тал нь 55 мянган доллар иргэдээс залилан авч чаджээ. Твиттер энэхүү халдлагын эзэн холбогдогчийг олж тогтоохоор ажиллаж байгаа юм байна.
Эх сурвалж: BBC, Bloomberg
|
Нийгэм
