АДМИН
АНУ-ын Чикаго хотод нэгэн этгээд иргэд рүү гал нээсний улмаас 11 хүн хүндээр шархадсан байна. Тодруулбал орон нутгийн цагаар мягмар гаргийн 18:30 цагт оршуулгын товчоо байрладаг West 79th гудамжинд энэ хэрэг гарчээ.
Чикаго хотод сүүлийн 7 хоногийн хугацаанд зэвсэгт халдлагатай холбоотой олон хэрэг гараад байгаа юм. Энэ сарын 20-ны өдөр гарсан зэвсэгт халдлагуудад 25 хүн шархадсаны 4 нь амиа алдсан байна.
Харин өнгөрсөн амралтын өдрүүдэд тус хотод галт зэвсгийн улмаас нийт 63 хүн шархдаж, 12 хүн нас барсан байна. Чикагод өнгөрөгч оны мөн үеийнхтэй харьцуулахад галт зэвсгийн хэрэглээ 46 хувиар нэмэгджээ.
Эх сурвалж: CNN
|
Нийгэм
