АДМИН
НҮБ-аас гаргасан дэлхийн хүн амын тайланд дурдсанаар өнгөрсөн 2019 онтой харьцуулахад ОХУ-ын хүн ам хоёр саяар нэмэгдсэн байна. Ингэснээр ОХУ-ын хүн амын тоо 145,9 сая болж байгаа юм.
Плехановын нэрэмжит Бүс нутгийн хөгжлийн хүрээлэнгийн Судалгааны лабораторийн эрхлэгч Елена Егоровагийн үзэж байгаагаар НҮБ-ын гаргасан Оросын хүн амын статистик ийнхүү хоёр саяар нэмэгдсэн нь Крымын оршин суугчдыг ОХУ-ын хүн амд оруулан тооцож эхэлсэнтэй холбоотой ажээ. Крым нь 2014 онд оршин суугчдын санал асуулгаар ОХУ-ын бүрэлдэхүүнд орсон юм.
НҮБ-ын мэдээгээр 2019 онд Оросын хүн ам 143,9 сая байсан. Гэхдээ ОХУ-ын Үндэсний статистикийн хорооны мэдээ НҮБ-тай зөрж байгаа юм. Оросын статистик мэдээгээр 2019 онд Оросын хүн ам 146,8 сая гэжээ.
Эх сурвалж: МК.ru
|
Нийгэм
