АДМИН
Бүртгэгдсэн гэмт хэрэг өмнөх оны мөн үеэс 7505 (25.0% )-аар буурсан үзүүлэлттэй байна.
Бүртгэгдсэн гэмт хэрэг 2020 оны эхний 11 сард 22.5 мянга болж, өмнөх оны мөн үеэс 7505 (25.0%)-аар буурсан байна. Бүртгэгдсэн гэмт хэрэг 2020 оны 11 дүгээр сард 2300 болж, өмнөх сараас 114 (4.7%)-өөр буурсан аж.
16, түүнээс дээш насны 10000 хүнд ногдох бүртгэгдсэн гэмт хэрэг 2020 оны эхний 11 сард улсын дунджаар 106 болж, өмнөх оны мөн үеэс 33 (23.7%)-аар буурчээ.
Гэр бүлийн хүчирхийллийн улмаас 2020 оны эхний 11 сард 9786 зөрчил бүртгэгдсэний 7882 (80.5%) зөрчлийг шалган шийдвэрлэсэн байна. Гэр бүлийн хүчирхийллийн улмаас үйлдэгдсэн нийт зөрчил өмнөх оны мөн үеэс 1557 (18.9%)-гоор, шийдвэрлэсэн зөрчил 2153 (37.6%)-аар тус тус өссөн.
Согтуугаар үйлдсэн гэмт хэрэг 2020 оны эхний 11 сард 4471 болж, өмнөх оны мөн үеэс 431 (10.7%)-ээр, эмэгтэй хүн оролцсон хэрэг 3186 болж, 270 (9.3%), гэр бүлийн хүчирхийллийн улмаас үйлдсэн хэрэг 1044 болж, 74 (7.6%)-өөр өсөж, харин бүлэглэн үйлдсэн хэрэг 1386 болж, 313 (18.4%)-аар, хүүхэд оролцсон хэрэг 645 болж, 329 (33.8%)-өөр, мансуурсан үедээ үйлдсэн хэрэг 186 болж, 43 (18.8%)-аар тус тус буурсан байна.
|
Нийгэм
