Б.УУГАНБАЯР
Энэтхэгийн Ченнай хотод өндөрлөсөн Дэлхийн шатрын XXXXIV олимпиадад дөрөвдүгээр ширээнд 10 өргөөс 8.5 оноогоор алтан медаль хүртсэн 17 настай охин Бат-Эрдэнийн Мөнгөнзул болон олимпиадад амжилттай оролцсон шатарчдыг УИХ-ын дарга Г.Занданшатар өнөөдөр төрийн ордонд хүлээн авч уулзаж баяр хүргэлээ. Ченнайгийн олимпиадад Монголын эрэгтэй шатарчид 186 багаас 35, бүсгүйчүүд 162 багаас 15 дугаар байрт тус тус орсон юм. Түүнчлэн олон улсын мастер Төрмөнхийн Мөнхзул олимпиадын үеэр их мастер цолны гурав дахь нормоо биелүүлж, Монголын долоо дахь эмэгтэй их мастераар тодорсон. УИХ-ын дарга Г.Занданшатар өмнө нь Монголын шатрын холбооны ерөнхийлөгчөөр ажиллаж байсан.
|
Нийгэм
