АДМИН
Дэлхий дээр байдаг идэвхтэй галт уулуудын хамгийн томд нь тооцогддог Хавайн Мауна Лоа галт уул 1984 оноос хойш 40 орчим жилийн дараа анх удаа оргилсон байна. АНУ-ын газарзүйн судалгааны газраас галт уул оргилсны дараа нэг талаар нь халуун хайлмаг урссан бөгөөд иргэдийн оршин суудаг бүсэд аюул учруулахгүй гэдгийг мэдэгджээ.
Нислэгийн компаниуд агаарын замын аюулгүй байдлыг шалгаж байгаа бол зарим компани Хавайн Хило олон улсын нисэх буудлаас хөөрөх нислэгүүдээ цуцалсан байна. Америкийн Холбооны нислэгийн газар галт уулын дэлбэрэлтийг ойроос ажиглаж, галт уулын үнс нурам агаарын тээврийн хөдөлгөөнд саад учруулах эсэхийг нягталж буйг мэдэгджээ. Үнс нурам иргэдийн ам хамар, хувцас хэрэглэл рүү орж магадгүй тул амьсгалын замын өвчтэй иргэдийг гэрээсээ гарахгүй байхыг сэрэмжлүүлжээ.
Галт уулын дэлбэрэлт орон нутгийн цагаар ням гарагт 11:30 цагт эхэлсэн байна. Мауна Лоа галт уул нь 1843 оноос хойш нийт 33 удаа оргилжээ.
Эх сурвалж: CNN
|
Нийгэм
