Дорноговь аймгийн Дэлгэрэх сумын 3 дугаар багийн Адгийн бууц гэдэг газар /аймгийн төвөөс зүүн урд зүгт 100 км, сумын төвөөс урд зүгт 45 км/-т Тус аймгийн Өргөн сумын харьяат малчин Б нь 11 сарын 27-ны өдрийн 10:00 цагийн орчим мал хариулж яваад сураггүй алга болсон тухай дуудлагыг 11 саын 27-ны өдрийн 21:50 цагт хүлээн авсан. Тус аймгийн Дэлгэрэх сумын Засаг даргын Тамгын газрын ажилтнууд ар гэрийнхэн малчин Б/41 настай эрэгтэй/-ыг 11 сарын 27-ны өдрийн 22:40 цагаас эрэн хайх ажиллагааг зохион байгуулж 11 сарын 28-ны өдрийн 10:00 цагт гэрээс нь баруун урд зүгт 10 км-т, “Туулайн тал” гэдэг газраас малтай нь эсэн мэнд олж, ар гэрийнхэнд нь хүлээлгэн өгсөн.

Баянхонгор аймгийн Баянбулаг сумын Хангал багийн “Далангийн зүүн даваа” гэдэг газар  /аймгийн төвөөс баруун хойд зүгт 268 км, сумын төвөөс зүүн зүгт 30 км/-т Тус сумын харьяат малчин А нь 11 сарын 27-ны өдрийн 11:00 цагийн орчим мал хариулж яваад яваад сураггүй алга болсон тухай дуудлагыг 11 сарын 28-ны өдрийн 03:57 цагт хүлээн авсан. Тус сумын Засаг даргын Тамгын газрын ажилтнууд малчин А /57 настай эрэгтэй/-ыг 11 сарын 27-ны өдрийн 22:30 цагаас эрэн хайх ажиллагааг зохион байгуулж 11 сарын 28-ны өдрийн 11:10 цагт гэрээс нь урд зүгт 13 км-т, “Таван худаг” гэдэг газраас эсэн мэнд олж, нүүр, зүүн хөлийн эрхий хуруу хөлдсөн байсан тул сумын Эрүүл мэндийн төвд хүргэсэн.

Баянхонгор аймгийн Бууцагаан сумын Буянт багийн Цогт гэдэг газар /аймгийн төвөөс баруун хойд зүгт 225 км, сумын төвөөс зүүн зүгт 45 км/-т Тус сумын харъяат малчин Ж нь 11 сарын 27-ны өдрийн 21:00 цагийн орчим Бууцагаан сумаас автомашинтай гараад сураггүй болсон тухай дуудлагыг 11 сарын 28-ны өдрийн 15:12 цагт хүлээн авсан. Тус аймгийн Онцгой байдлын газрын Бууцагаан сум дахь Гал түймэр унтраах, аврах 72 дугаар анги, сум дундын Цагдаагийн хэсгийн алба хаагчид, ар гэрийнхэн малчин Ж /50 настай, эрэгтэй/-ыг эрэн хайх ажиллагааг 11 сарын 28-ны өдрийн 15:31 цагаас тус сумын “Тавын бригад”, “Цэг”, “Цагаан гол”, “Магнай уул” гэдэг газруудад зохион байгуулж мөн өдрийн 23:34 цагт сумын төвөөс зүүн урд зүгт 37 км-т, “Олон-Овоо” гэдэг газар автомашин нь цасанд суусан, бага зэргийн осголттой байсныг олж сумын Эрүүл мэндийн төвийн эмчид хүлээлгэн өгсөн.

Говьсүмбэр аймгийн Баянтал сумын 16 дугаар зөрлөг гэдэг газар /аймгийн төвөөс хойд зүгт 45 км, сумын төвөөс баруун хойд зүгт 25 км/-т Малчин М нь 11 сарын 28-ны өдрийн 13:00 цагийн орчим мотоциклтой малаа хариулахаар гараад сураггүй болсон тухай дуудлагыг 11 сарын 28-ны өдрийн 21:07 цагт хүлээн авсан. Тус аймгийн Онцгой байдлын газрын Эрэн хайх, аврах бүлгийн алба хаагчид малчин М /40 настай, эрэгтэй/-ыг 11 сарын 28-ны өдрийн 21:50 цагаас эрэн хайх ажиллагааг зохион байгуулж 11 сарын 29-ний өдрийн 00:18 цагт гэрээс нь зүүн урд зүгт 10 км-т, “Тээгийн-Ар” гэдэг газраас эсэн мэнд олж ар гэрийнхэнд нь хүлээлгэн өгсөн.