Нийслэлийн Налайх дүүргийн 5 дугаар хороо, Бүс нуур гэдэг газар /төв замаас 0.5 км/-т автомашин цасанд суусан гэсэн дуудлагыг 11 сарын 29-ний өдрийн 04:10 цагт хүлээн авсан. Тус дүүргийн Онцгой байдлын хэлтсийн Гал түймэр унтраах, аврах 28 дугаар ангийн алба хаагчдыг очиход иргэн Х /21 настай, эрэгтэй/-ын жолоодож явсан “Камри” загварын суудлын автомашин цасанд суусан байсныг 10 минут ажиллан татан гаргасан.

Хэнтий аймгийн Цэнхэрмандал сумын 3 дугаар баг, Замчдын-Овоо гэдэг газар /аймгийн төвөөс баруун хойд зүгт 150 км, сумын төвөөс баруун хойд зүгт 30 км, Багануур дүүргээс хойд зүгт 45 км/-т автомашин цасанд суусан гэсэн дуудлагыг 11 сарын 29-ний өдрийн 04:20 цагт хүлээн авсан. Багануур дүүргийн Онцгой байдлын хэлсийн Гал түймэр унтраах, аврах 64 дүгээр ангийн алба хаагчдыг очиход иргэн Э/47 настай, эрэгтэй/-ын жолоодож явсан “Форд-Экспедишн” загварын суудлын автомашин /2 зорчигчтой/ замын хажуу руу гулгаж цасанд суусан байсныг татан гаргасан.

Нийслэлийн Багахангай дүүргийн 2 дугаар хороо, Төмөр замын өртөө /ангиас хойд зүгт 4 км/-т суудлын автомашин /4 зорчигчтой/ цасанд суусан гэсэн дуудлагыг 11 сарын 29-ний өдрийн 21:21 цагт хүлээн авсан. Тус дүүргийн Онцгой байдлын хэлтсийн алба хаагчдыг очиход иргэн А /28 настай, эрэгтэй/-ын жолоодож явсан “Приус-20”  загварын /4 зорчигчтой/ суудлын автомашин цасанд суусан байсныг 15 минут ажиллан татан гаргасан.

Хэнтий аймгийн Дэлгэрхаан сумын Нугаар баг, Цагаан хөтөл гэдэг газар /аймгийн төвөөс баруун хойд зүгт 210 км, сумын төвөөс баруун хойд зүгт 60 км, Багануур дүүргээс зүүн зүгт 28 км /-т 2 автомашин цасанд суусан гэсэн дуудлагыг 11 сарын 30-ны өдрийн 00:50 цагт хүлээн авсан. Багануур дүүргийн Онцгой байдлын хэлтсийн Гал түймэр унтраах, аврах 64 дүгээр ангийн алба хаагчдыг очиход иргэн Б /38 настай, эрэгтэй/-ын жолоодож явсан “Уаз-220695” загварын /2 зорчигчтой/ автомашин,  иргэн Т /38 настай, эрэгтэй/-ын жолоодож явсан “Портер” загварын автомашинууд цасанд суусан байсныг 01:00 цаг ажиллан татан гаргасан.