АДМИН
Хан уул дүүргийн 8 дугаар хороо Тайны аманд иргэн С нь шашны зан үйл үйлдэж байгаад гал алдаж 0.2 га талбай шатжээ. Гал түймрийг хөдөлгөөнт эргүүлийн 4 алба хаагч шуурхай унтраажээ.
Ногоон бүс, зуслангийн чиглэлд шар өвсний гал түймэр, ой, хээрийн түймрээс урьдчилан сэргийлэх чиглэлээр мэргэжлийн байгууллагын хамтарсан бүрэлдэхүүн өдөр бүр 5 дүүргийн 72 чиглэлд аюулгүй байдлыг хангаж байна.
Иймд иргэдийг ногоон бүс, зуслангийн чиглэлд зорчихдоо:
- Түлсэн гал, асаасан шүдэнз, татсан тамхины гал, цог, нурмыг бүрэн унтраах
- Түймрийн хуурайшилт ихтэй үед ой, хээрт ил задгай гал түлэхгүй байх
- Зуслан, гэр хорооллын хашаанд шар өвс шатаахгүй байх, хадаж цэвэрлэх
- Шашны зан үйл хийж ил задгай гал гаргахгүй байх
- Айл өрх бүр халуун үнс, нурмыг тусгайлан бэлдсэн таглаа бүхий нүх, саванд хийх
- Хашааны шар өвсийг шатаахгүй байхыг анхааруулж байна.
|
Нийгэм
