АДМИН
Далайд гарцгүй ч усан тээвэр хариуцсан гурвын гурван даргатай Монгол улс бол тэнгисийн цэргийн нэг биш нэлээн олон адмирал Колчактай орон юм байна. Цаашдаа тэнгисийн явган цэргийн жанжингууд, шумбагч онгоцны ахмадууд, халим агнуурын агентлаг, дельфин хамгаалах албатай ч болохоос сийхгүй өөдрөг улс. УИХ-ын дарга Г.Занданшатар чуулганы индрээс ЗТХЯ-ны дарга нарын цол, гуншинг ёжлон зарлаж, төмөр замын тээвэр зохицуулах үүрэгт ажлаа тааруу хийдэг албан тушаалтнуудыг егөөдөн явууллаа. ЗТХЯ төмөр, далайн тээврийг зохицуулах газартай, Усан замын тээврийн хэлтэстэй, бүр даргатай, даргыг нь Д.Жавхлан гэдэг юм байна. Одоогоор Монгол Улс Хөвсгөл нуурт жуулчин тээдэг ганц жижгэвтэр усан онгоцтой, аялагчдад үйлчилдэг хэдэн завь бүртгэгдсэн байна.
|
Нийгэм
