АДМИН
Монголын баг Монгени сургуулийг төлөөлж 8 сарын 3-с 8 сарын 8-ны хооронд Казакстан улсын Актау хотноо зохиогдох сургуулиудын багийн ДАШТ-нд оролцохоор боллоо.
Тус тэмцээнд 2006 онд Монголоос анх удаагаа оролцож “Төр Монгол” сургуулийн охидын баг 12 хүртэлх насанд түрүүлж байсан түүхтэй юм.
ФИДЕ-ийн шатрыг бүх түвшинд хөгжүүлэх төслийн хүрээнд ЕБС-иудыг шатарт татан оруулах зорилготойгоор энэ жилээс ОУ-ын Шатрын Холбоо /ФИДЕ/ тус тэмцээнийг сэргээж, шинэ форматаар зохион байгуулахаар болсон билээ. Энэхүү төслийн хүрээнд 50 улсын үндсэн баг бүрт ФИДЕ-с санхүүгийн дэмжлэг үзүүлэх юм. Монголын Шатрын Холбооны шуурхай ажлын үр дүнд манай холбоо 50 улсад багтаж, сонгогдсоныг дуулгахад таатай байна.
МШХ-ны Ерөнхийлөгч Э.ГУРВАНБААТАР багийн ахлагч Б.ГАЛМАНДАХ болон тамирчдын төлөөлөлд онгоцны тийзийг гардуулан, амжилт хүслээ.
Монгени сургуулийн багийг “Их Нүүдэл” тэмцээнд амжилттай оролцож, тэргүүн байрт шалгарсан үр дүнд үндэслэн сонгон шалгаруулсан болно.
|
Нийгэм
